Njësia A4 e KEK-ut ndalet për shkak të parregullsive teknike, pritet rikthimi në operim

Njësia A4 është ndalur në mënyrë të kontrolluar më 11 gusht 2026, në orën 00:00, pas evidentimit të disa parregullsive teknike.

Sipas njoftimit, ndalja është bërë si masë parandaluese dhe në përputhje me kërkesat e sigurisë teknike, me qëllim të mundësimit të kontrolleve dhe ndërhyrjeve të nevojshme në pajisje.

Ekipet profesionale janë angazhuar menjëherë për të vlerësuar gjendjen teknike, për të identifikuar shkakun e problemit dhe për të ndërmarrë masat për eliminimin e tij.

Njësia A4 pritet të rikthehet në operim pas përfundimit të kontrolleve dhe ndërhyrjeve teknike, si dhe konfirmimit se janë plotësuar kushtet e sigurta për punë.

Për kohën e rikthimit të njësisë në operim, do të ketë njoftime të mëtejshme.