Kryeministri në detyrë, Albin Kurti, ka falënderuar qytetarët për pjesëmarrjen në procesin zgjedhor, ndërsa numërimi i votave ende nuk ka përfunduar dhe priten rezultatet përfundimtare nga të gjitha kutitë e votimit në vend.
Kurti vlerësoi angazhimin e qytetarëve gjatë fushatës dhe pjesëmarrjen e tyre në zgjedhje, duke theksuar se gjatë dhjetë ditëve të fushatës janë zhvilluar mijëra aktivitete, tubime dhe takime në të gjitha anët e vendit.
Ai shprehu mirënjohje për qytetarët që, sipas tij, e kanë pritur me mbështetje ekipin e tij politik dhe kanë ndarë shqetësimet, përvojat dhe pritjet e tyre për zhvillimin e mëtejshëm të vendit.