Nisma Socialdemokrate ka marrë vendim të garojë e vetme në zgjedhjet parlamentare të jashtëzakonshme të 28 dhjetorit. Lajmi është bërë i ditur nga Komisioni Qendror i Zgjedhjeve, ku është konfirmuar se partia e Fatmir Limajt ka dorëzuar aplikimin për të garuar si subjekt i pavarur dhe jo si pjesë e ndonjë koalicioni.
S’e nuk do të jenë pjesë e listës së ndonjë partie e ka konfirmuar edhe Vesel Krasniqi nga NISMA, i cili teksa i falenderoi mbështetësit e tyre për këto vite në skenën politike, ai iu kërkoi të njëjtëve mbështeje edhe për këto zgjedhje.
“Të nderuar qytetarë të Republikës së Kosovës, kudo që jetoni dhe veproni, Ju njoftojmë se NISMA Socialdemokrate, e udhëhequr nga lideri ynë dhe politikani më konsistent me qëndrimet e tij në gjdo proces të ndërtimit të shtetit dhe zhvillimeve politike në Kosovë, në zgjedhjet e 28 dhjetorit do të garojë e vetme me siglën e NISMA Socialdemokrate, por me mbështetjen tuaj të madhe , e dëshmuar për 12 vite rresht dhe në mbi 10 palë zgjedhje të mbajtura.
Andaj, të nderuar qytetarë dhe simpatizantë të NISMA Socialdemokrate, ju ftojmë që më shumë se kurrë ta mbështesim këtë vizion dhe program të NISMËS, të udhëhequr nga kryetari z. Fatmir Limaj, sepse ka nevojë Parlamenti i Kosovës, ka nevojë veterani i UÇK-së, pensionisti, arsimtari, polici, ushtari, biznesi, rinia,….ka nevojë KOSOVA për FATMIR LIMAJ. Faleminderit për besimin e dhënë tash e 12 vite, duke na dhënë forcë dhe motiv edhe më shumë që ta forcojmë dhe ta shtyejmë perpara këtë vizion të nevojshëm për qytetarët e Kosovës”, ka njoftuar ai.
