Në Gjykatën Themelore në Prishtinë, ka nisur seanca e radhës ndaj Muhamed Hajredinajt, i cili ngarkohet me akuzën se hodhi në shportën e mbeturinave flamurin kombëtar dhe plisin.
Në seancën paraprake, Hajredinaj u deklarua i pafajshëm.
Lajme
Nis seanca ndaj arsimtarit që akuzohet se hodhi në mbeturina flamurin kombëtar dhe plisin
Sipas aktakuzës së Prokurorisë Speciale, ngritur më 24 prill 2025, Muhamed Hajredinaj akuzohet se më 27 nëntor 2024, në objektin e Shkollës Fillore të Mesme të Ulët “Xhemail Mustafa” në Prishtinë, në cilësinë e arsimtarit të gjuhës angleze, me qëllim të nxitjes së urrejtjes, përçarjes dhe mosdurimit ndërmjet grupeve kombëtare, etnike dhe fetare, ka hedhur flamurin kuq e zi dhe plisin në shportën e mbeturinave, përkundër kundërshtimeve të nxënësve. Po ashtu, ai akuzohet se ka larguar nga ora e mësimit një nxënëse e cila mbante simbolet për pjesëmarrje në programin festiv të Ditës së Flamurit.
Me këto veprime, Hajredinaj akuzohet për veprën penale “Nxitja e përçarjes dhe mosdurimit” nga neni 141, paragrafi 4 lidhur me paragrafin 3 të Kodit Penal.