Komisioni Qendror i Zgjedhjeve (KQZ) ka vënë në dispozicion platformën elektronike ku qytetarët mund të ndjekin në kohë reale rezultatet preliminare të zgjedhjeve të parakohshme.
Përmes këtij sistemi, mund të shihen të dhënat e përditësuara mbi rezultatet e votimit, pjesëmarrjen e qytetarëve dhe statistikat sipas komunave, qendrave të votimit dhe vendvotimeve në të gjithë vendin.
KQZ ka bërë të ditur se rezultatet do të përditësohen vazhdimisht gjatë procesit të numërimit, duke ofruar transparencë të plotë për qytetarët dhe subjektet politike.