Nis ceremonia e diplomimit të kadetëve të rinj, marrin pjesë Kurti e Osmani

Ka nisur ceremonia e diplomimit të kadetëve të gjeneratës 2025 të Forcës së Sigurisë së Kosovës (FSK).

Kjo ceremoni po zhvillohet në Kazermën “Adem Jashari” në Prishtinë, ku po marrin pjesë udhëheqësit e lartë shtetërorë, oficerë dhe nënoficerë të Ministrisë së Mbrojtjes dhe të FSK-së, si dhe familjarë të kadetëve.

Në mesin e tyre janë edhe kryeministri në detyrë, Albin Kurti si dhe presidentja e vendit, Vjosa Osmani.

Sipas njoftimit të FSK-së, kjo ceremoni shënon një moment të rëndësishëm në përgatitjen dhe zhvillimin profesional të kadetëve që do t’i shërbejnë vendit në kuadër të forcave të sigurisë.