Nga stafi i Osmanit i reagojnë deputetit të VV-së: Bajqinovci do të paditet për shpifje

Deputeti i Lëvizjes Vetëvendosje, Mefail Bajqinovci, ka reaguar pas intervistës në Pressing, duke thënë se Osmani “s’ka kontribuuar në heqjen e masave”.

“Nëse nuk ka harruar, Presidentja pastrimin e strukturave kriminale e quante “bixhoz”.

Ky është kontributi i saj në lidhje me masat!”, shkroi Bajqinovci.

Kësaj deklarate i reaguan nga stafi i Osmanit.

Reagimi i plotë:

Për shpifjen e publikuar sonte, deputeti Mefail Bajqinovci do të paditet për shpifje nga Presidentja Osmani.

Natyrisht, për dallim nga pretendimet e tij të pavërteta, Presidentja Osmani posedon dëshmi të qarta dhe konkrete që dëshmojnë se ai dhe urdhërdhenësit e kësaj shpifjeje po gënjejnë.

Shihemi në gjykatë.