Në natën e Bajramit, Lumir Abdixhiku vizitoi familjen Llapashtica, ku vlerësoi kontributin e kryefamiljarit Rizah Llapashtica si një nga themeluesit e LDK-së në Degën V dhe veteran i UÇK-së.
Abdixhiku theksoi se familja Llapashtica përfaqëson sakrificën, përkushtimin dhe suksesin e shqiptarëve, duke përmendur se djemtë e familjes kanë ndërtuar biznese të suksesshme në Hamburg që sot punësojnë mbi 300 punëtorë. Ai i falënderoi për mikpritjen në këtë natë feste dhe për besimin që, siç tha ai, vazhdojnë ta mbajnë gjallë ndër vite.
Postimi i tij:
Këtë natë Bajrami; dhe pas dite përplot takime, vizituam familjen Llapashtica.
Kryefamiljari, Rizah Llapashtica, është ndër themeluesit e Lidhjes Demokratike të Kosovës në Degën V dhe veteran i Ushtrisë Çlirimtare të Kosovës; një njeri që ka qëndruar pranë Kosovës në kohët më të vështira, me besim, përkushtim e sakrificë.
Si shumë familje shqiptare, edhe familja Llapashtica e ka kthyer mundin në sukses. Djemtë e tij, nga Hamburgu, kanë ndërtuar biznese të suksesshme që sot punësojnë mbi 300 punëtorë. Një histori pune, përkushtimi e dinjiteti, që na kujton se shqiptarët tanë, kudo që janë, dinë të ndërtojnë, të krijojnë e të ecin përpara.
Faleminderit për mikpritjen e ngrohtë, për bisedën plot zemër dhe për besimin që vazhdoni ta mbani gjallë ndër vite. ✌️
