Deputetja e Lëvizjes Vetëvendosje, Arbërie Nagavci, ka kërkuar që zgjedhja e Presidentit të Republikës së Kosovës të bëhet sa më shpejt, duke e cilësuar atë si një çështje emergjente për vendin.
Përmes një postimi, Nagavci ka theksuar nevojën për stabilitet institucional dhe institucione me mandat të plotë.
“Sot Kosovës i duhet Presidenti. Vendi ynë ka nevojë për stabilitet institucional, përgjegjësi politike dhe institucione me mandat të plotë”, ka shkruar Nagavci.
Ajo ka lidhur zgjedhjen e Presidentit edhe me zhvillimet që lidhen me mbrojtjen e së vërtetës për luftën e UÇK-së.
“Në një kohë kur mbrojtja e së vërtetës për luftën e UÇK-së kërkon veprim të koordinuar juridik, politik dhe diplomatik, Republika ka nevojë për përfaqësim të fuqishëm dhe institucione funksionale”, thuhet në postimin e saj.
