Shefja e grupit parlamentar të Lëvizjes Vetëvendosje, Arbërie Nagavci, ka reaguar ndaj incidentit të sotëm, ku deputeti i LVV-së, Prof. Dr. Fahrush Rexhepi, është kapur për duar dhe është shtyrë nga protestuesit.
Nagavci e ka cilësuar si të papranueshme dhe të turpshme këtë sjellje, duke theksuar se e drejta për protestë dhe kritikë nuk nënkupton të drejtën për përdorimin e forcës fizike ndaj një deputeti.
“Pamjet ku protestuesit e kapin për duarsh dhe e shtyjnë me forcë një deputet të Republikës së Kosovës nuk kanë asgjë të përbashkët me të drejtën demokratike për protestë. Protesta është e drejtë, kritika është e drejtë, kërkesa për llogaridhënie është e drejtë, por askush nuk ka të drejtë të përdorë forcën fizike ndaj një përfaqësuesi të zgjedhur të qytetarëve”, ka shkruar Nagavci.
Ajo ka vënë në pah edhe profilin e Rexhepit, duke e përshkruar si profesor universitar dhe doktor të shkencave të historisë.
