Ganimete Mulsiu nga PDK i është bashkuar kritikave të ashpëra rreth ekspozitës së Shkëlzen Gashit të vendosur në sheshin e Prishtinës, e cila u cilësua me pasaktësi për masakrat e Kosovës, e që si rrjedhojë u largua pak minuta më parë nga Komuna.
Ajo e ka quajtur të papranueshëm e skandaloz financimin e kësaj ekspozite nga Kuvendi i Kosovës, e cila për qëllim kishte shtrembërimin e historisë.
“Është e papranueshme dhe skandaloze që Kuvendi i Kosovës të financojë një ekspozitë që shtrembëron të vërtetën historike dhe cenon rëndë kujtesën kolektive të popullit tonë”.