Mulaj i LDK-së vendos pesë angazhimet e tij kryesore në Kuvendin e Kosovës: Politika duhet t’i shërbejë njerëzve, jo interesave të ngushta

Kandidati për deputet nga Lidhja Demokratike e Kosovës, Besim Mulaj ka rënditur 5 angazhimet e tij kryesore në Kuvendin e Kosovës, shkruan GazetaDemos.

Mulaj thotë se si qytetar dhe kandidat që beson se politika duhet t’i shërbejë njerëzve, jo interesave të ngushta.

“Zëri i qytetarëve në Kuvend, Votim vetëm për interesin e Kosovës, Ligje që hapin derën për investime, Luftë e pandalshme kundër monopoleve, Infrastrukturë që zhvillon rajonin”, Këto janë 5 pikat kryesore që ai ka vendosur si angazhime të tij në Kuvend.

Postimi i plotë:

5 angazhimet e mia kryesore në kuvendin e Kosovës!

Si qytetar dhe kandidat që beson se politika duhet t’i shërbejë njerëzve, jo interesave të ngushta, këto janë 5 angazhimet kryesore që i marr para jush:

Zëri i qytetarëve në Kuvend

Çdo shqetësim që vjen nga ju do të ketë adresë të drejtpërdrejtë në Kuvend. Do të jem aty për të dëgjuar, përfaqësuar dhe kërkuar zgjidhje reale.

Votim vetëm për interesin e Kosovës

Ligjet dhe të zgjedhurit do t’i mbështes vetëm atëherë kur janë në interes të shtetit dhe qytetarëve, e kurrë për grupe të vogla interesi apo pazare politike.

Ligje që hapin derën për investime

Angazhohem për ndryshime ligjore që krijojnë një ambient më të mirë ekonomik dhe që e bëjnë Kosovën vend tërheqës për investime dhe vende të reja pune.

Luftë e pandalshme kundër monopoleve

Do të jem i palëkundur në betejën kundër monopoleve që dëmtojnë konkurrencën e lirë dhe rëndojnë jetën e qytetarëve.

Infrastrukturë që zhvillon rajonin

Lobim i vazhdueshëm për përfundimin e projekteve të nisura, me prioritet rrugët Pejë–Rugovë, Klinë–Istog dhe rruga Kalliqan në Bjeshkë – projekte që sjellin zhvillim dhe perspektivë.

Këto nuk janë premtime boshe, por angazhime që i marr me përgjegjësi të plotë.

Kosova ka nevojë për përfaqësim të ndershëm dhe punë konkrete.