Mërgimtari nga Zvicra: Nefail Maliqi ka punuar për aparatin shtypës serb, kush ka shërbyer okupatorin, gjithmonë e urren lirinë

Nefail Maliqi i cili ka fyer heronjët e Kosovës, komandant Mujë Krasniqit dhe Beqir Gashit sipas dokumenteve të shërbimeve sekrete serbe, ai përmendet si bashkëpunëtor i Sigurimit Shtetëror serb, transmeton DEMOS.

Kështu ka deklaruar mërgimtari nga Zvicra, Shaip Kadrijaj.

“Në këto dokumente, të datuara 13.02.1998, ai del se ka bashkëpunuar duke u dërguar organeve serbe materiale informuese, përfshirë edhe gazetën “Zëri i Kosovës”, të botuar nga LPK-ja në Zvicër, ku publikoheshin informacione për Fondin “Vendlindja Thërret”, fond i dedikuar mbështetjes së UÇK-së.”, shkroi mërgimtari.

Reagimi i plotë:

Kush është Nefail Maliqi dhe pse fyen Heronjtë e Kosovës?

Pas fyerjeve të rënda ndaj Herojve të Kosovës, Komandant Mujë Krasniqit dhe Beqir Gashit, me të drejtë shtrohet pyetja:

Kush është Nefail Maliqi dhe kujt i ka shërbyer ai?

Nefail Maliqi nuk është një emër i panjohur për strukturat e errëta të kohës së okupimit. Sipas dokumenteve të shërbimeve sekrete serbe, ai përmendet si bashkëpunëtor i Sigurimit Shtetëror serb, i evidentuar me nofkën “Punëtori”.

Në këto dokumente, të datuara 13.02.1998, ai del se ka bashkëpunuar duke u dërguar organeve serbe materiale informuese, përfshirë edhe gazetën “Zëri i Kosovës”, të botuar nga LPK-ja në Zvicër, ku publikoheshin informacione për Fondin “Vendlindja Thërret”, fond i dedikuar mbështetjes së UÇK-së.

Pra, bëhet fjalë për një person që pretendohet se ka punuar për aparatin shtypës serb, ndërkohë që guxon të fyejë ata që dhanë jetën për lirinë e Kosovës.

Kjo e shpjegon qartë edhe gjuhën e tij kundër UÇK-së dhe komandantëve të saj.

Kush ka shërbyer okupatorin, gjithmonë e urren lirinë dhe të vërtetën.

Unë posedoj dokumente konkrete që e mbështesin këtë dhe ato do të publikohen, në mënyrë që opinioni publik të gjykojë vetë se kush ishte në anën e lirisë dhe kush në anën e armikut.

Heronjtë nuk mund të njollosen.

Ata janë të përjetshëm.

Ndërsa e vërteta, herët a vonë, del në shesh.

Lavdi Komandant Mujë Krasniqit dhe Beqir Gashit!