Është duke vazhduar seanca në rastin e Liridona Ademajt, ku dëshminë e tij në seancë po e vazhdon Valon Lluka.
Lluka është person i parë që Naim Murseli e kontaktoi menjëherë pas vrasjes së bashkëshortes së tij, Liridonës.
Dëshmitari Lluka me këtë rast iu përgjigj pyetjeve të prokurores, duke zbardhur momentet e para pas ngjarjes tragjike.
Prokuroria: “A jeni i vetëdijshëm që ju jeni personi i parë që Naim Murseli ka kontaktuar pas vrasjes së bashkëshortes së vet?”
Dëshmitari: “Po.”
Prokuroria: “A mund të kujtoheni, kur ju ka thirrë Naimi, a ju ka thënë prej nga po thërret”:
Dëshmitari: “Nuk më ka thënë prej nga më thërret, nuk më kujtohet”.
Prokuroria: “A ju ka thënë në bisedën e parë që bashkëshortja Liridona i është vrarë?”
Dëshmitari: “Po, e ka cekur që na kanë gjuajtur dhe na kanë vrarë në këtë formë”.
Prokuroria: “Kur ju ka thënë këtë, a e keni ditur nga telefoni kujt po ju thërret”?
Dëshmitari: “Jo, nuk ka qenë telefoni i tij. Më ka thirrur me një numër i cili në fund përfundon me numrin 417. Nuk ju kam lajmëruar, nuk e kam njohur numrin saktësisht, ora ka qenë 8:32 minuta. Urgjent çele, urgjente Naimi”. “Çele, çele,çele”, tregon dëshmitari para trupit gjykues.
Dëshmitari: “Ja kam kthyer, më falni, cili Naim, se jam me mysafirë”.
Dëshmitari: “Murseli, o Valon, na kanë vrarë…” Ka qenë shkrim i paqartë.
“Kam qenë në vendin e ngjarjes, kam pyet a ka vdekur dikush dhe jam larguar, se nuk na lanë të ofrohen. Më ka thirrë një polic e më ka thënë, Naimi është mirë dhe fëmijët janë mirë”
Më ka thirrë një polic më ka thënë eja se dojmë me ja kumtuar lajmin Naimit që ka vdekur Liridona, e ta ketë dikë afër. Por, kur shkova veç ia kishin kumtuar vdekjen e Liridonës. Shkova atje dhe më pas erdhën familja e Liridonës e aty u preka”, ka thënë Lluka.
