Që nga 2 qershori i këtij viti, qytetarët e komunës së Pejës, nuk po marrin shërbime nga Qendra e Patent Shoferit në këtë komunë.
Kështu të paktën bën të ditur një qytetare nga atje, e cila u lajmërua në redaksinë e Gazetës Demos.
Ajo thotë se këto shërbime nuk po kryhen si pasojë e mungesës së stafit të Shërbimit Publik Shtetëror.
“Jam banore nga Peja. Te Qendra e Patent Shoferit, prej datës 2 qershor aty përditë njerëzit presin me orë të tëra dhe kthehen pa kryer punë. Janë pa staf të Shërbimit Publik Shtetëror”, tha ankuesja.
E njëjta gjithashtu shtoi se ka edhe dëshmi, në të cilat shihet edhe revolta e shprehur me reagim të ashpër nga një qytetarë.
“Me u pas kanë serbë këta, ua kishi hap derën. Marre, turp, është gjynah”, dëgjohet duke thënë ai, ndërsa merr një përgjigje nga një punonjës aty, i cili i thotë të shkojë në qeveri për ankesa.
