"Me padi s’ma mbyll gojën, mashtrues, shikoje mirë vete”, Egzona Pacolli e Valon Peci përplasen me akuza e kundërakuza

Egzona Pacolli nga LDK-ja ka reaguar publikisht pasi ka bërë të ditur se Faton Peci e ka paditur për deklaratën “jeni hajna”.

Pacolli ka thënë se qëndron prapa kritikës së saj, duke e akuzuar Pecin se po përdor padinë për ta frikësuar dhe për t’ia mbyllur gojën.

"Faton Peci më paska paditur pse kam thënë “jeni hajna”. Edhe Gjykata shpejt paska reaguar! Sikur kaq shpejt të trajtoheshin edhe dyshimet për keqpërdorime ndaj tij dhe kompanisë së VV-së! Kritikës sime i qëndroj prapa. Faton, me padi s’më tut e as gojën s’ma mbyll! Shihemi në Gjykatë", shkroi Pacolli.

POSTIMI:

Kësaj deklarate nuk e la pa i reaguar vëllai i Faton Pecit, njëherëshi edhe deputeti i VV-së, Valon Peci.

“Mashtrues, shikoje mirë veten, sepse je duke shpifur! Por, ka edhe të tjera që do të përfundojnë me padi, për kallëzime të tjera penale që ke bërë. Ti, bashkë me dostat e tu, vogëlushët e partisë, që tashmë jeni bërë pikë e pesë!”, ka shkruar Peci.