Me karrige, thikë e grushta: Publikohen pamjet e përleshjes mes të rinjve në Lipjan, dy të miturit me lëndime të rënda

Dy të mitur kanë pësuar lëndime të rënda trupore pasditen e së mërkurën në Lipjan, ku dyshohet se është përdorur edhe thika.

Përleshja përfundoi me të arrestuar, ndërsa viktimat janë dërguar në QKUK për trajtim mjekësor.

Lidhur me rastin, Policia e Kosovës ka bërë të ditur se tre persona kanë përfunduar në ndalim me urdhër të Prokurorit të Shtetit, ndërsa është konfiskuar edhe një shufër metalike.

Pamjet nga konflikti mes të rinjve tashmë janë publikuar edhe në rrjete sociale.