Mbyllet Qendra e Komunale e numërimit në Mitrovicë – Detaje

Prokuroria Themelore në Mitrovicë mbrëmë ka dalë me një njoftim të ri, ku u bë e ditur se ka dhënë urdhërin për ndërprerjen e numërimit të fletëvotimeve në Qendrën Komunale në Komunën e Mitrovicës, pas raportimeve nga komisonerët për parregullsi, raporton GazetaDemos.

Pas urdhërit të Prokurorisë, GazetaDemos merr vesh nga burimet në terren, se kjo Qendër Komunale është mbyllur tërësisht, teksa deri në këto momente të raportimit nuk është parë askush brenda kësaj saj.

Kutitë e votimit janë të gjitha brenda Qendrës.

Ashtu siç edhe tha Prokuroria, puna është pezulluar deri në një afat kohor kur të marrin një përgjigje zyrtare nga operatori ekonomik që ka shtypur fletë votimet, e ku do të konfirmohet se a kemi të bëjmë me gabim teknik apo me manipulim të fletë votimeve, dhe varësisht nga përgjigja e marrë do të procedohet tutje.