Dje, rreth orës 17:30, hetuesit policorë në Kaçanik, në tentim për të ndaluar një veturë për kontrollim, drejtuesi i saj për t’i ikur kontrollit arrit t’i ikë përkohësisht policisë.
Më pas njësi të ndryshme policore arrijnë që veturën ta lokalizojnë dhe ta ndalojnë.
Policia, konkretisht hetuesit policorë nga Njësia e Drejtorisë për Hetimin e Trafikimit me Narkotikë, duke kontrolluar rrugën nga dyshohej se ishte larguar vetura, në një vend me mbeturina kanë gjetur të hedhura tre thasë me substancë që dyshohet të jetë narkotike e llojit marihuanë.
Substanca narkotike dyshohet të jetë hedhur nga vetura që i ishte shmangur ndalimit policor, transmeton IndeksOnline.