Siboci i ka dhënë mbështetje të madhe mbrëmë kandidatit të VV-së për kryetar të komunës së Podujevës, Shpejtim Bulliqi, ku ia konfirmuan përkrahjen e palëkundur.
Siboci vlerësoi punët e kryera për këto katër vjet në Podujevë, vlerësim të cilin i thanë Bulliqit që do ta përkthejnë me votë.
“Mbrëmë në Siboc, mbajtëm një tjetër tubim madhështor me banorët e kësaj ane, ku u dëshmua edhe një herë mbështetja e fuqishme për punën dhe vizionin tonë për zhvillimin e Podujevës.
Banorët e Sibocit ishin dëshmitarë të ndryshimeve të prekshme gjatë këtyre viteve në infrastrukturë, arsim, bujqësi e çdo fushë tjetër që prek drejtpërdrejt jetën e tyre. Kjo mbështetje e madhe na jep forcë që të vazhdojmë me projekte edhe më të mëdha në mandatin e ardhshëm. Jemi bashkë me Sibocin për Podujevën tonë!”, tha Bulliqi.
