Lok Komoni zgjedh Daut Haradinajn kumbar të djalit, gjenerali: Ishte nder i madh për mua

Këngëtari i njohur kosovar, Lok Komoni, ka ndarë momente nga festa e 1-vjetorit të djalit të tij, Gani Komoni, shkruan Gazeta Demos.

Përmes një postimi në rrjetet sociale, ai bëri të ditur se kumbar i vogëlushit është Gjenerali Daut Haradinaj.

Komoni e cilësoi ditëlindjen e parë të Ganiut si një gëzim dhe bekim të madh për familjen, ndërsa theksoi se është krenar që djali i tij mban emrin e gjyshit.

Ai shprehu mirënjohje të veçantë për Daut Haradinajn dhe familjen Haradinaj për nderin që sipas tij i kanë bërë duke pranuar të jenë kumbarë të Ganiut.

Ndërkaq Daut Haradinaj ka thënë se ishte një nder i veçantë të bëhej kumbar i vogëlushit.

Përmes një postimi në Facebook, Haradinaj kujtoi me respekt të ndjerin Gani Komoni, të cilin e përshkroi si një njeri me vlera të larta njerëzore, intelektual të çmuar dhe mik të hershëm.

Haradinaj tha se Gani Komoni la pas një emër të nderuar dhe një familje që vazhdon të mbartë me krenari vlerat dhe virtytet që ai u përcolli.