Lirim Mehmetaj publikon pamje të shtratit në pediatri: Idioti i VV-së këtë e tejkalon me “hajt se qeshtu është që 20 vjet”

Gazetari Lirim Mehmetaj ka reaguar për gjendjen në repartin e Pediatrisë në Qendrën Klinike Universitare të Kosovës (QKUK), duke publikuar në rrjetet sociale një fotografi që, sipas tij, tregon shtratin që u ofrohet fëmijëve të shtruar për trajtim, shkruan Gazeta Demos.

Përmes një shkrimi në Facebook, Mehmetaj ka bërë të ditur se fotografia është publikuar fillimisht nga nëna e një fëmije të shtruar në QKUK, e cila ka ndarë edhe pamje të tjera nga reparti, duke shprehur pakënaqësi për kushtet në të cilat po trajtohen pacientët.

Tutje Mehmetaj ka kritikuar ashpër gjendjen në sistemin shëndetësor, duke thënë se problemet po relativizohen me arsyetime se kanë ekzistuar prej vitesh ose se situata të ngjashme mund të gjenden edhe në vende të tjera.

Ai përmend edhe deklaratën e Vjosa Osmanit, e cila me anë të një statusi tregoi se i largoi vajzat nga shkolla publike për shkak se WC-ja mbante erë të rëndë, kështu duke theksuar se ndonjë prind që pikërisht në atë shkollë e ka fëmijën e vetë komenton “ Respekt Merkelka e Kosoves”.

”Paramendojeni, ne statusin ku Vjosa Osmani tregonte se si iu desh t’i largonte vajzat nga shkolla publike se WC-ja mbante ere te rende, ka mundesi ndonje prind qe femijen e vet e ka bash ne ate shkolle shkruan koment ne ate status me “Respekt Merkelka e Kosoves””, shkruan Mehmetaj.

Reagimi i plotë i tij: