Ligji për shtetësinë për 15 ditë ia shton Novobërdës 30 banorë

Ligji për shtetësinë i miratuar në Kuvend me vota të mazhorancës dhe Listës Serbe që hyri në fuqi më 22 maj ka nisur të japë rezultatet e para. Në vetëm rreth 15 ditë që nga futja në fuqi e këtij ligji vetëm komuna e Novobërdës numëron 30 qytetarë më shumë ndërsa kërkesat për përfitimin e shtetësisë janë në rritje tha nënkryetari i kësaj komune Bajrush Ymeri.

“ Deri me tani janë regjistruar 30 shtetas por numri është në rritje sepse ka fluks po vwrehet fluks i qytetarwve nw ambientet e Komunws….”, tha Ymeri për RTV21.

Ymeri duke përmendur rrezikun që persona të dyshimte mund të përfitojnë shtetësinë e Kosovës ngriti shqetësimin se me këtë ligj rrezikon që të ndryshohet struktura e demografisë në Novobërdë. Veç kësaj Ymeri ngriti shqetësimin se ky ligj do shkaktojë edhe barrë financiare për Kosovën.

“Rrezikohet demografia e komunës ndërsa do të jetë barrë financiare sepse ata do të kërkojnë pensione do të përfshihen në skema sociale por edhe do të përfitojnë këto shtesat që po jep qeveria”, tha Ymeri.

Ligji ri për Shtetësinë i miratuar me 69 vota pro dhe dy kundër nxiti valë reagimesh. Konkretisht neni 31 i këtij ligji, meqë, kjo dispozitë ligjore parasheh që Kosova tua njeh të drejtën e shtetësisë së Kosovës, pavarësisht nga vendbanimi i tanishëm dhe shtetësia të gjithë qytetarëve të ish-republikës federative të Jugosllavisë, të cilët kanë qenë banorë të përhershëm të Kosovës deri më 1 janar 1998 dhe pasardhëve të tyre të drejtëpërdrejtë.