Lidhja e Bizneseve të Kosovës fton kompanitë të bashkohen në luftën kundër zjarreve

Në kushtet e rrezikut të shtuar nga zjarret në shumë komuna të vendit, Lidhja e Bizneseve të Kosovës (LBK) u bën thirrje të gjitha kompanive dhe bizneseve që posedojnë mjete, pajisje apo kapacitete ndihmëse, që të kontribuojnë në parandalimin dhe ndaljen e përhapjes së zjarreve që po rrezikojnë jetën e qytetarëve, pronën dhe pasurinë natyrore të Kosovës.

Thirrja e plotë:

Ftojmë të gjitha kompanitë që t’u dalin në ndihmë komunave dhe qytetarëve për ndaljen e zjarreve

Në kuadër të rrezikut të shtuar nga zjarret në shumë komuna të vendit, Lidhja e Bizneseve të Kosovës u bën thirrje të gjitha kompanive që kanë mundësi dhe pajisje të përshtatshme, që të kontribuojnë me ndihmë konkrete për të ndaluar përhapjen e zjarreve që po rrezikojnë jetën e qytetarëve, pronën dhe natyrën tonë.

🔧 Pajisje, 🚜 mjete logjistike, 👷 staf ndihmës apo çdo formë mbështetjeje janë të domosdoshme dhe të mirëseardhura në këtë situatë emergjente.

🤝 Solidariteti i bizneseve mund të bëjë një lehtësim për përpjekjet e zjarrfikësve dhe autoriteteve komunale.

🇽🇰 Ta ruajmë dhe ta mbrojmë vendin tonë – bashkë ia dalim!