Liburn Aliu: Urat në Mitrovicë u ndërtuan me kërkesë të komunave – Kaq.

Ministri në detyrë i Infrastrukturës, Liburn Aliu, iu përgjigj kritikave se ndërtimi i urave në Mitrovicë po bëhet për fushatë zgjedhore .

Ai tha se projektet janë nisur dhe po realizohen në bashkëpunim me komunat.

“I kemi ndërtuar ura në Mitrovicë me kërkesë të komunave, po realizohen. Kaq”, deklaroi shkurt ministri Aliu.

Ai deklaratën e bëri pas përurimit të rrugës së re në komunën e Shtimes, një projekt në vlerë rreth 900 mijë euro, që përfshin ndërtimin dhe rehabilitimin e afro 5.5 kilometrave rrugë. / EO