Ish-deputeti i AAK-së, Pal Lekaj ka reaguar pas deklarimeve lidhur me çështjen e transferimit të 24 hektarëve tokë për Manastiri i Deçanit.
“24 hektarët e Deçanit nuk paskan qenë për Këshillin e Evropës, por për Rashiqin”, shkroi Lekaj.
I plotë:
Lajme
Lekaj: 24 hektarët e Deçanit nuk paskan qenë për Këshillin e Evropës, por për Rashiqin
Deklarata e Nenad Rashiq, është një skandal i rëndë që ekspozon hipokrizinë e pushtetit. Nëse është e vërtetë se Albin Kurti ka thënë për ty po e bëj transferimin e pronës së Manastirit të Deçanit brenda 24 orëve, atëherë del qartë se për vite të tëra qytetarët janë mashtruar me patriotizëm të rremë.
Një çështje kaq e ndjeshme për shtetin nuk mund të trajtohet si favor personal apo monedhë për pazare politike. Nëse kjo deklaratë është e saktë, atëherë kemi të bëjmë me një nga skandalet më të mëdha të kësaj qeverie dhe dikush duhet të mbajë përgjegjësi para qytetarëve të Kosovës.