Kryetari i LDK-së, Lumir Abdixhiku, ka bërë të ditur se partia e tij është gati për fillimin e fushatës zgjedhore, raporton GazetaBlic.Në një takim pune me kryetarët e degëve dhe kryetarët e komunave në selinë qendrore të LDK-së, Abdixhiku tha se partia është e mobilizuar dhe e koordinuar për angazhim në çdo qytet e fshat.
Ai theksoi se Kosova ka nevojë për normalitet, stabilitet dhe shpresë, duke shtuar se LDK do ta çojë fushatën përpara me ekip, dinjitet dhe përkushtim.
Postimi i plotë:
Gati për fushatë!Gati për mobilizim e angazhim nacional.
Sonte, në selinë qendrore të LDK-së, u mblodhëm në një takim pune me kryetarët e degëve dhe kryetarët tanë të komunave. Një takim përplot energji, përkushtim dhe angazhim drejt fushatës elektorale.Me ekipet tona, veprimtarët tanë, kryetsrët tuaj, do të jemi në çdo qytet, fshat e lagje për thirrjen tonë të madhe se Kosova meriton qeverisje të drejtë, institucione që funksionojnë dhe politikë të matur që i shërben qytetarit.
LDK është gati. Strukturat tona janë të lidhura, të koordinuara dhe të vendosura që këtë fushatë ta çojnë deri në fund me dinjitet, me punë dhe me rezultat.Ndjenja e gadishmëria mes strukturave tone është ajo që duhet; e fortë, e sinqertë dhe plot motivim. Secili prej tyre e di peshën e këtij momenti. Secili e di që Kosova ka nevojë për normalitet, për stabilitet, për zhvillim. Dhe mbi të gjitha, për shpresë.E filluam këtë betejë si ekip.
E vazhdojmë si ekip.Dhe do ta përmbyllim si ekip.
Shpresë ka. Zgjidheni atë!#LDK123
