Lidhja Demokratike e Kosovës ka njoftuar nisjen e një rrugëtimi zgjedhor nëpër të gjitha komunat e Kosovës, nga 28 maji deri më 4 qershor, ku do të zhvillojë takime me qytetarë dhe prezantim të programit politik.
Përmes një njoftimi, LDK ka bërë të ditur se këto tubime do të shërbejnë për të ndarë vizionin për ndryshim, zhvillim dhe rikthim të dinjitetit në qeverisje.
Njoftimi:
Po fillon rrugëtimi ynë i madh me qytetarët anembanë Kosovës!
Nga 28 maji deri më 4 qershor, Lidhja Demokratike e Kosovës do të jetë në çdo komunë e pranë çdo qytetari, për të ndarë vizionin rreth ndryshimit që i duhet vendit.