Policia e Kosovës ka konfirmuar se më 1 nëntor 2025 ka pranuar një informacion për një incident të rëndë në zonën e Leposaviqit, ku dyshohet se një shtetas i Republikës së Kosovës, me inicialet M.V., i përkatësisë serbe, është plagosur dhe rrëmbyer nga pjesëtarë të xhandarmërisë serbe brenda territorit të Kosovës.
Sipas njoftimit zyrtar, ngjarja dyshohet të ketë ndodhur në afërsi të ashtuquajturës “pika zero”, në kufirin mes Kosovës dhe Serbisë. Policia ka njoftuar menjëherë KFOR-in, si forcë përgjegjëse për sigurinë në zonën kufitare.
Ivan Niniq, avokat në Serbi bërë të ditur se personi i rrëmbyer është Milan Vukashinoviqi.
Avokati ka reaguar në rrjetin social X duke ia bërë disa pyetje presidentit serb, Aleksandar Vuçiq lidhur me Milan Vukashinoviqin, personin që thotë se u qëllua të shtunën në Kosovë dhe i cili, sipas tij, u dërgua në Qendrën Klinike të Nishit.
Avokati e quajti përgjegjës Vuçiqin, të cilin e pyeti se a u qëllua Vokashinoviq për vdekje të shtunën në fshatin Jelacke në Leposaviq.
“Meqenëse përgjegjësit po heshtin, duhet të parashtroj disa pyetje për A. Vuçiqin, B. Gashiqin dhe drejtorin e VBA-së, Gjuro Jovaniq: A është qëlluar për vdekje të shtunën rreth orës 16:00 në fshatin Jelakce/Leposaviq MILAN VUKASHINOVIQ (1986), të cilit po i luftojnë për jetën në Qendrën Klinike të Nishit?”, pyeti ai.