Ky është 59-vjeçari që vdiq tragjikisht pasi ra në bunar, sot i jepet lamtumira e fundit

Rasti i rëndë që ndodhi mbrëmë në Bajnicë të Kaçanikut ka tronditur të gjithë banorët. Sylejman Fazliu, 59-vjeçar ra në bunarin që ndodhet në oborrin e shkollës së fshatit dhe u nxor pa shenja jete

Nga Policia e kanë konfirmuar rastin, ndërsa tashmë edhe familja ka bërë të ditur për ceremoninë mortore.

Në njoftimin e fshatit në Facebook, thuhet se varrimi do të bëhet sot, në orën 16:00, në varrezat e Bajnicës.

Ndryshe, sipas informacioneve të para, i ndjeri ishte punëtor teknik i shkollës, tek e cila ndodhi ngjarja tragjike, ndërsa akoma nuk dihen rrethanat.