GazetaDemos raportoi pak më parë për një ngjarje tragjike të ndodhur në fshatin Gullbovc të komunës së Malishevës, nga ku u dëgjuan të shtëna me armë zjarri, të cilat lanë të vdekur dy vëllezër.
Sipas burimeve të GazetësDemos njëri nga viktimat është rreth 30-vjeçar, e tjetri i moshës rreth 40-vjeçar.
Ndërsa, i dyshuari i kësaj vepre të rëndë, dyshohet të jetë dhëndërri i tyre, i cili ka ikur nga vendi i ngjarjes.
E gjithë ngjarja, siç merr vesh GazetaDemos, dyshohet të ketë ndodhur pas një mosmarrveshjeje që të përfrishët e kishin mes vete, e që e njëjta çoi deri te fjalosja ku u përdor arma.
Lajmin e ka konfirmuar edhe Policia e Kosovës, ku siç bëjnë të ditur, tashmë arma me të cilën dyshohet të jetë kryer vepra është gjetur në vendngjarje.
“Është vrasje e dyfisht, viktima dy vëllezër nga fshati Gollubovc-Malishevë ndërsa i dyshuari është dhëndrri i tyre nga një fshat i komunës së Drenasit. I dyshuari është arrati ndërsa arma me të cilën dyshohet të jetë kryer vepra është gjetur në vendngjarje”, thuhet në konfirmimin e Policisë për Demos.
