Kush është Dimal Basha, kryeparlamentari i ri, sipas Vetëvendosjes

Pas zgjedhjes së tij si kryetar i Kuvendit të Kosovës, vëmendja publike është përqendruar tek Dimal Basha, figura më e re në krye të institucionit më të lartë ligjvënës në vend.

Dimal Basha ka lindur më 12 tetor 1979 në Prishtinë dhe jeton në Ferizaj.

Studimet universitare i ka përfunduar në “John Jay College of Criminal Justice” në New York, duke diplomuar me vlerësimin më të lartë në drejtimin “E Drejta Penale Ndërkombëtare.”

Pas përfundimit të studimeve bazë, Basha vazhdoi me studimet master në Marrëdhënie Ndërkombëtare, me fokus në “Konflikt dhe Siguri,” në universitetin The New School University, po ashtu në New York.

Në skenën politike të Kosovës, Basha është pjesë e Lëvizjes Vetëvendosje, ku ka shërbyer si deputet për dy mandate. Gjatë angazhimit të tij parlamentar, ai ka qenë pjesë e disa komisioneve.

Biografia e plotë e Bashës e publikuar nga LVV:

Dimal Basha ka lindur më 12 tetor 1979 në Prishtinë dhe jeton në qytetin e Ferizajt.

Studimet e larta i ka përfunduar në “John Jay College of Criminal Justice” në New York, duke diplomuar me vlerësimin më të lartë në drejtimin “E Drejta Penale Ndërkombëtare.”

Dimali gjithashtu ka përfunduar studimet Master në Marrëdhënie Ndërkombëtare, me fokus në “Konflikt dhe Siguri,” në Universitetin “The New School University,” po ashtu në New York.

Me një përvojë të pasur profesionale, Dimali ka punuar në zyrën e ish-Kongresmenit Eliot Engel, si dhe si Analist i të Dhënave Kualitative në Gjykatën Federale të ShBA-së.

Përveç kësaj, ai ka ushtruar një karrierë të suksesshme menaxheriale në Angli dhe ShBA.

Në politikë, Dimal Basha ka shërbyer si deputet i Kuvendit të Republikës së Kosovës për dy mandate, duke përfaqësuar Lëvizjen Vetëvendosje!

Ai ka qenë anëtar në Komisionin për Punë të Jashtme, Komisionin për Legjislacion, Komisionin për Mbikëqyrjen e AKI-së dhe Komisionin për Stabilizim-Asociim.