Kryeministri në detyrë, Albin Kurti ka reaguar pasi që shteti i Bahamas e ka njohur pavarësinë e Kosovës, duke uruar qytetarët dhe shprehur mirënjohje të veçantë për presidenten, Vjosa Osmani, zyrtarët shtetërorë dhe partnerët për një tjetër arritje në forcimin e subjektivitetit ndërkombëtar.
Kurti ka thënë edhe se, Kosova janë duke iu shtuar miqësi të reja dhe po ashtu mundësi bashkëpunimit.
Postimi:
Viti 2024 ishte viti i pasaportës sonë. Viti 2025 është viti i njohjeve të reja, pas një kohe të gjatë. Bahamas bëhet shteti i katërt sivjet dhe i 121-ti që e njeh Republikën tonë si shtet të pavarur dhe sovran.
Urime të gjithë qytetarëve dhe një mirënjohje e veçantë për presidenten tonë, Vjosa Osmani, zyrtarët shtetërorë dhe partnerët tanë për një tjetër arritje në forcimin e subjektivitetit tonë ndërkombëtar.
Kosovës po i shtohen miqësitë e reja dhe, bashkë me to, edhe mundësitë e bashkëpunimit. Mezi presim që njohjen e ndërsjellë ta kthejmë në partneritet të sinqertë me shtetin dhe popullin e Bahamas.
