Kryeministri i Kosovës Albin Kurti ka përkujtuar masakrën e Belegut të 29 marsit 1999, duke rikujtuar krimet e kryera nga forcat serbe ndaj civilëve shqiptarë.
Ai ka theksuar se banorët u dëbuan me dhunë, burrat dhe djemtë u ndanë dhe u vranë, ndërsa 32 persona ende konsiderohen të zhdukur.
Kurti ka ngritur shqetësimin se, pavarësisht dëshmive dhe dokumentimit, askush nuk është dënuar për këtë krim lufte.
Duke bërë thirrje për drejtësi, ai ka kërkuar nga institucionet që të intensifikojnë hetimet dhe të sjellin para drejtësisë përgjegjësit, ndërsa ka nderuar kujtimin e viktimave dhe dëshmorëve të Belegut.
