Kurti “lëshoi pe” për Ligjin për të Huajt, Dërguti: Ka frikë nga humbja e pushtetit

Në “Rubikon” të Klan Kosovës, këtë mbrëmje u diskutua për Ligjin për të Huajt.

Lidhur me këtë, opinionistja Aida Dërguti tha se kryeministri Albin Kurti, mund të ketë lëshuar pe për këtë ligj, pasi sipas saj, ai mund të ketë frikë të humbasë pushtetin.

“Mbase është presioni i humbjes së pushtetit, sepse nuk e dimë se si do të jetë në fund, ashtu siç u frikësua që Gjykata Kushtetuese do të ndikohet nga ndërkombëtarët, mund të jetë një lloj presioni, mbase frikë nga humbja e pushtetit”, u shpreh Dërguti.

Ndër të tjera, Dërguti tha se opozita duhet të “luftojë” që ta demaskojë Kurtin.

“Duhet demaskuar ky njeri për të gjitha gënjeshtrat. Ky njeri është faqja e zezë e Kosovës”, tha ajo.