Në moshën 81 vjeçare ka vdekur politikani i njohur, Nexhat Daci.
Para se të ishte politikan, Daci ka qenë më shumë i njohur si profesor universitar, ligjërues i lëndën së kimisë. Daci ka qenë anëtar i rregullt i Akademisë së Shkencave dhe Arteve të Kosovës dhe kryetar i saj.
Ai është lansuar në politikë aktive në fillim të viteve 2000 kur i kishte prirë listës së LDK’së për zgjedhjet komunale në Prishtinë. LDK i kishte fituar zgjedhjet por Daci nuk e kishte ushtruar postin e Kryertarit, duke ia lënë atë Sali Gashit.
Daci ishte lansuar në politikën e lartë të vendit në zgjedhjet e para parlamentare me kërkesë të ish-Presidentit Ibrahim Rugova.
Ai ka qenë deputet i Kuvendit të Kosovës nga viti 2001 deri në vitin 2011, derisa e ka drejtuar kuvendin për dy mandate- në periudhën 2000-2004 dhe 2004-2006.
Daci kishte themelr partinë Lidhja Demokratike e Dardanisë pasi në Kuvendin e vitit 2006 ishte mposhtur nga Fatmir Sejdiu në garën për kryetar të Lidhja Demokratike e Kosovës. Të dy këto figura po synonin kreun e partisë disa muaj pas vdekjes së Ibrahim Rugovës.
Kush ishte Nexhat Daci?
Nexhat Danci u lind në Tënoc më 1944, ku përfundoi shkollimin fillor. Atë të mesëm e kreu në Leskoc, ndërkaq studimet universitare i përfundoi në Fakultetin e Shkencave Matematike-Natyrore (Dega e kimisë) në Beograd më 1966. U doktorua më 1973 në Universitetin e Zagrebit, ndërkaq studimet e posdoktoratës i vazhdoi në Angli, në Universitetin e Bradfordit më 1974.v
Pas përfundimit të magjistraturës, më 1968 ai nisi punën si asistent në Fakultetin Filozofisë në Katedrën e Kimisë. Më 1971 vazhdoi punën si ligjërues e më pas edhe si profesor në Universitetin e Prishtinës.
Gjatë punës akademike ai ka marrë pjesë në disa studime shkencore, kongrese e konferenca në mbarë botën. Ka qenë anëtar i Shoqatës Kimike amerikane që nga viti 1985 dhe i disa institucioneve të tjera ndërkombëtare. Ndërkaq, pjesë e Akademisë së Shkencave të Kosovës u bë më 1993
