KRU “Prishtina” zbulon lidhje ilegale të ujit në Veternik dhe në disa lokale në sheshin “Xhorxh Bush”

Kompania Rajonale e Ujësjellësit “Prishtina” ka njoftuar se gjatë ditës së sotme ka zbuluar disa lidhje ilegale në rrjetin e ujësjellësit në lagjen Veternik, si dhe në disa lokale në sheshin e Prishtinës.

Sipas KRU “Prishtina”, lidhjet ilegale janë shkyçur nga rrjeti, ndërsa lëndët përkatëse do t’i përcillen Prokurorisë për procedim të mëtejshëm.

Në një njoftim tjetër, kompania ka bërë të ditur se lidhje ilegale janë evidentuar edhe në sheshin “Xhorxh Bush”.

“Gjatë gjithë ditës së sotme janë evidentuar më shumë lidhje ilegale sesa lidhje legale. Kjo është e papranueshme!”, thuhet në reagimin e KRU “Prishtina”.