Presidenti i Ukrainës, Volodymyr Zelensky, ka bërë deklarata të forta pas takimit me ish-presidentin amerikan Donald Trump, duke e krahasuar situatën aktuale në Ukrainë me filmin “Groundhog Day”, ku personazhi kryesor është i detyruar ta rijetojë vazhdimisht të njëjtën ditë.
“Askush nuk do të donte të jetonte ashtu, duke ripërsëritur të njëjtën gjë për javë e muaj dhe sigurisht për vite. Kjo është pikërisht si po jetojmë tani. Dhe është jeta jonë”, ka thënë Zelensky.
Në vazhdim, ai ka drejtuar kritika të ashpra ndaj Evropës, duke e akuzuar për mungesë veprimesh konkrete, veçanërisht sa i përket ndjekjes penale të Rusisë. Zelensky i ka dhënë zë edhe kritikave të Trumpit ndaj Evropës, duke thënë se “Evropa do të diskutojë për të ardhmen, por i shmanget veprimit sot”.
Sipas tij, shtetet evropiane janë të ndara dhe më të shqetësuara që të mos e ofendojnë njëra-tjetrën sesa të veprojnë me vendosmëri përballë agresionit rus.
“Është e vërtetë se shumë takime janë zhvilluar, por Evropa ende nuk ka arritur në pikën për të pasur një shtëpi për tribunal. Çfarë po mungon? Koha apo vullneti politik? Shumë shpesh në Evropë, diçka tjetër gjithmonë është më urgjente se drejtësia”, ka theksuar Zelensky në një fjalim të pazakontë kritik ndaj aleatëve të tij.
Duke vazhduar me kritikat, presidenti ukrainas ka deklaruar se veprimet janë ato që e definojnë të ardhmen, duke ngritur edhe çështjen e naftës ruse që, sipas tij, vazhdon të transportohet përmes brigjeve evropiane.