Një ngjarje e rëndë ka ndodhur në Livoq të Gjilanit, ku një burrë dyshohet se ka vrarë bashkëshorten e tij dhe njërin prej vëllezërve të saj, ndërsa vëllai tjetër i gruas ka mbetur i plagosur.
Sinjali bënë me dije se të shtënat kanë ndodhur në rrethana që ende po hetohen, ndërsa viktimat dyshohet se ndodheshin në një veturë në momentin kur është shtënë me armë.
Sipas informacioneve fillestare, gruaja dhe njëri prej vëllezërve të saj kanë mbetur të vdekur, ndërsa vëllai tjetër është plagosur dhe është dërguar për trajtim mjekësor.
Në vendin e ngjarjes kanë dalë menjëherë njësi të shumta policore dhe hetuesit, ndërsa për shkak të peshës së rastit aty kanë dalë edhe dy prokurorë të shtetit.
