Krasniqi: Kurti është duke nxitur përçarje mes Abdixhikut e Osmanit, në fund nuk ia jep presidentin asnjërit

Albert Krasniqi nga Demokracia Plus tha se kryeministri Albin Kurti është duke nxitur përçarje mes Lumir Abdixhikut e Vjosa Osmanit, por sipas tij, “asnjërit nuk ia jep presidentin”.

Sipas Krasniqit, në çështjen për presidentin, Kurti “është duke luajtur edhe me LDK-në me z.Abdixhiku”.

“Ka shumë paqartësi, gjithçka ndodh në mjegullim… Konjufca tha se rrugët tona me Osmanin mund të bashkohen, çoi sinjale që mund të jetë kandidate”, tha Krasniqi.

“Kurti është duke nxitur përçarje mes Osmanit dhe Abdixhikut, dhe në fund s’ia jep asnjërit presidentin”, tha ai.