Komisioni Qendror i Zgjedhjeve (KQZ) ka hapur afatin për regjistrimin e personave me nevoja të veçanta që dëshirojnë të votojnë në adresën e tyre të banimit, në kuadër të zgjedhjeve të parakohshme për Kuvendin e Republikës së Kosovës, të cilat do të mbahen më 28 dhjetor 2025.
Sipas njoftimit të KQZ-së, personat që për shkak të aftësisë së kufizuar apo nevojave të veçanta nuk mund të paraqiten fizikisht në vendvotim, kanë mundësi të regjistrohen për votim përmes ekipeve mobile të KQZ-së.
Regjistrimi mund të bëhet përmes platformës elektronike të KQZ-së në faqen zyrtare vpnv.kqz-ks.org, si dhe në Zyrën e Komisionit Komunal të Zgjedhjeve.