Me rastin e Ditës së Asteroidit, e cila u shënua më 30 qershor në Kosovë, 14-vjeçarja Laurena Hykosmani e apasionuar pas Astronomisë arriti të tërheqë vëmendjen e personaliteteve të njohura ndërkombëtare të kësaj fushe, shkruan Gazeta Demos.
Në këtë ngjarje morën pjesë astronomja kosovare Pranvera Hyseni, inxhinieri hapësinor James Wehner dhe ambasadori i Space Hipsters, Rodrigo Araya.
Gjatë eventit, 14-vjeçarja pati mundësinë të takohej nga afër me mysafirët dhe t’ua prezantonte idetë, projektet dhe angazhimin e saj në fushën e Astronomisë.
Ajo për Gazetën Demos tha se, bisedat me ekspertët ndërkombëtarë ishin frymëzuese dhe i dhanë motivim shtesë për të vazhduar rrugëtimin në këtë drejtim.