KFOR ka njoftuar se i janë dhuruar disa pajisje mjekësore, çanta traumatike Combat Lifesaver, për Shoqatën e Kërkim-Shpëtimit të Kosovës në Prishtinë.
Nga njoftimi KFOR bëhet e ditur edhe se, Pajisjet, të cilat përmbajnë më shumë se 68 artikuj mjekësorë, do të mbështesin reagimin emergjent dhe aktivitetet për shpëtimin e jetës.
Komunikata:
Një ekip i Bashkëpunimit Civilo-Ushtarak (CIMIC) nga Komanda Rajonale Lindje e KFOR-it ka dhuruar katër çanta traumatike Combat Lifesaver për Shoqatën e Kërkim-Shpëtimit të Kosovës në Prishtinë.
Pajisjet, të cilat përmbajnë më shumë se 68 artikuj mjekësorë, do të mbështesin reagimin emergjent dhe aktivitetet për shpëtimin e jetës
Gjatë ceremonisë, anëtarëve të Shoqatës së Kërkim-Shpëtimit të Kosovës iu ndanë gjithashtu certifikata për përfundimin e kursit të Ushtrisë Amerikane për orientim në terren dhe mbijetesë, i cili përfshinte si mësim teorik në klasë ashtu edhe trajnim praktik në terren.
Kjo iniciativë thekson përkushtimin e vazhdueshëm të KFOR-it për bashkëpunim me partnerët lokalë në mbështetje të sigurisë dhe qëndrueshmërisë në mbarë Kosovën.
KFOR-i vazhdon të zbatojë mandatin e tij – të bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të qëndrueshëm për të gjithë njerëzit që jetojnë në Kosovë dhe në garantimin e lirisë së lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si reagues të sigurisë.
