Kastriot Shabani: Reçaku simbol i sakrificës, përgjegjësi për të ardhmen

Kastriot Shabani: Reçaku na kujton përherë përgjegjësinë për të punuar me ndershmëri

Kandidati i Lidhjes Demokratike të Kosovës për kryetar të Shtimes, Kastriot Shabani, ka zhvilluar një takim me banorët e fshatit Reçak, ku u prit nga kryetari i nëndegës së LDK-së për këtë fshat, Minush Brahimi.

Në këtë takim, Shabani theksoi rëndësinë e dëgjimit të qytetarëve, duke vlerësuar idetë, shqetësimet dhe vizionet e tyre për të ardhmen e komunës. Ai e cilësoi Reçakun si simbol të historisë dhe sakrificës, që i kujton përherë përgjegjësinë për të punuar me përkushtim dhe ndershmëri.

Postimi i tij:

Sonte ishim në fshatin Reçak, pranë kryetarit të nëndegës së Lidhjes Demokratike të Kosovës për këtë fshat, z. Minush Brahimi.

Ky takim ishte një mundësi e shkëlqyer për të biseduar me banorët e fshatit, për të dëgjuar nga afër shqetësimet, idetë dhe vizionet e tyre për të ardhmen e komunës sonë.

Reçaku, si simbol i historisë dhe sakrificës, na kujton përherë përgjegjësinë që kemi për të punuar me përkushtim e ndershmëri për të mirën e qytetarëve tanë.

Bashkë me aktivistët e LDK-së, do të vazhdojmë pa u ndalur në çdo cep të komunës, sepse zëri i qytetarëve është udhërrëfyesi ynë më i mirë.