Më shumë se 1 mijë e 750 njerëz janë vrarë në Iran që nga fillimi i luftës SHBA-Izrael më 28 shkurt, raportoi sot Agjencia Shtetërore e Lajmeve të Republikës Islamike (IRNA), duke cituar një zyrtar iranian.
Ky përditësim është numri i parë i plotë i të vdekurve i publikuar nga ndonjë zyrtar iranian prej disa javësh.
Zëvendëspërfaqësuesi i përhershëm i Iranit, Pouria Kolivand tha se 22,800 persona janë plagosur dhe qindra spitale dhe shkolla janë shkatërruar.
Rreth tre milionë njerëz brenda vendit janë zhvendosur dhe 500,000 kanë mbetur pa strehë. Më herët sot, ministria e shëndetësisë e vendit tha se 208 fëmijë janë vrarë në konflikt, sipas IRNA-s.
Agjencia e Lajmeve të Aktivistëve të të Drejtave të Njeriut (HRANA) me seli në SHBA tha të marten se të paktën 1 mijë e 455 civilë, përfshirë 217 fëmijë, dhe 1 mijë e 167 personel ushtarak janë vrarë që nga 28 shkurti. 669 persona të tjerë janë vrarë, tha HRANA, por ende nuk është përcaktuar nëse ata ishin civilë apo ushtarakë.
