Një 37-vjeçar është arrestuar në Tiranë, nën dyshimin se ka vjedhur mbi 12 milionë lekë përgjatë muajve tetor dhe nëntor të këtij viti.
Sipas njoftimit të Policisë së Shqipërisë, i njëjti rezultoi të jetë i dënuar më parë në Greqi, për të njëjtën vepër penale.
Nga hetimet rezultoi se i dyshuari ka kryer një vjedhje me thyerje, më 19 tetor, ndërsa nga kontrollet rezultoi se mbante në banesë, sasi kanabisi.
Sekuestrohen sendi i fortë që përdorte 37-vjeçari, për vjedhjet me thyerje, veshje që ai kishte mbajtur gjatë këtyre rasteve, si dhe sasia e lëndës narkotike.