Kapën me marihuanë në oborrin e shkollës – shoqërohen në polici dy të rinj në Kaçanik

Një rast i posedimit të narkotikëve është zbuluar mbrëmë në Kaçanik.

Sinjali bënë me dije se më 17 gusht 2025, rreth orës 18:40, njësiti i Hetimeve të Stacionit Policor në Kaçanik ka vërejtur tre persona në oborrin e Shkollës së Mesme “Skënderbeu”, të cilët dyshoheshin se mund të ishin duke konsumuar substanca narkotike.

Gjatë kontrollit të tyre nuk është gjetur asgjë e dyshimtë, mirëpo në afërsi policia ka zbuluar të fshehura 6 paketime me substancë të dyshuar narkotike të llojit marihuanë. Dy prej tyre, 20-vjeçar kanë pranuar se substanca ishte e tyre.

Të dyshuarit janë shoqëruar menjëherë në Stacionin Policor në Kaçanik, ndërsa rasti është marrë në trajtim nga Drejtoria për Hetimin e Trafikimit me Narkotikë – Ferizaj.

Me udhëzim të Prokurores Kujdestare të Prokurorisë Themelore në Ferizaj, dy personat janë intervistuar si të dyshuar, ndërsa i treti në cilësinë e dëshmitarit.

Në cilësi të provës materiale janë konfiskuar 6 paketime me marihuanë me peshë 6.65 gram.