Gazetari Vehbi Kajtazi ka reaguar pas incidentit në Skënderaj, ku u përfshinë kryetari i komunës, Sami Lushtaku dhe zëvendësministri e kandidati për deputet nga LVV, Hysni Mehani.
Sipas Kajtazit, ngjarja e ndodhur tregon një nivel të lartë tensionesh politike dhe një ndarje të thelluar në shoqëri, ku palët politike, sipas tij, po e shtyjnë përplasjen deri në ekstrem edhe në funksion të qëllime elektorale për zgjedhjet e 7 qershorit.
Ai thekson se dhuna është e papranueshme në çdo rrethanë, por shton se situata duhet parë edhe në kontekstin e zhvillimeve dhe deklaratave të vazhdueshme mes palëve politike, të cilat sipas tij kanë kontribuar në përshkallëzimin e tensioneve.
“Ngjarja në Skënderaj në të cilën është përfshirë kryetari i komunës, Sami Lushtaku dhe zv.ministri kandidati per deputet, Mehana, tregon për një tneison dhe ndarje të shoqërisë në mënyrë të skajshëm. Ky incident sado i rëndë apo lehtë po tregon që klasa politike është e gatshme me shty deri në fund me qëllime elektorale. Dhe në këtë rast palët e përfshira, të dyja, po dëshirojnë që ta shtynë sa më shumë, në mënyrë që sipas tyre të kenë ndonjë rezultat në vota për zgjedhjet e 7 qershorit. Dhuna është e paparanueshme nga kusho dhe kurdo që vjen ajo.
E megjithatë duhet em i pas parasysh edhe disa rrethana. Se LVV në mënyrë të vazhdueshme e provokon sami lushtakun duke e ditur që ai reagon, duke e dit që ai është i papërmbajtshëm, dhe për këtë arsye e kan zgjedh target Lushtakun për ta sharë, fyer,linçuar e së fundi për ta quajtur spiun apo bashkëpunëtor të Serbisë.
Samiun, dikush që gjatë luftës ishte komandant i zonës së Drenicës të cilin mund ta kauzosh për gjithcka por jo për bashkëpnuim me Serbinë sepse e ka dëshmu që ishte ne front kundër Serbisë e jo në krah të Serbisë kundër Kosovës, siç janë disa të tjerë që janë në pushtet”, tha Kajtazi në “VV Show”.
