Deputeti i Aleancës Bekë Berisha, ka deklaruar se në natën e fundit të protestës ka pasur potencial për përshkallëzim të situatës, pasi veteranët e pranishëm, sipas tij, ishin zemëruar edhe më shumë nga aksioni policor, gjatë të cilit pati edhe rrahje.
Lajme
”Ka pasë rekrutime të njerëzve të VV’së në polici gjatë protestës”, Berisha: Kishte potencial për përshkallëzim të situatës
Berisha ka folur edhe për atë që e cilësoi si rekrutime të njerëzve të Vetëvendosjes në polici, duke pretenduar se edhe grupe të tjera, përfshirë mafian, rekrutojnë policë për qëllimet e tyre.
“Në protestë ka pasur edhe veteranë të ardhur nga shumë vende të Kosovës. Ata nuk janë hajgarexhinj, atyre nuk mundesh t’u tregosh si të sillen dhe çfarë fjalori të përdorin. Po, ka pasur potencial që të ndodhte diçka e tillë, sepse ata u hidhëruan edhe më shumë me aksionin policor, ku pati edhe rrahje. Ka pasur rekrutime në polici. Edhe mafia rekruton ndonjë polic për qëllimet e veta, lëre më një parti politike që funksionon kështu dhe është shumë efektive për ta bërë këtë punë”, tha Berisha në Blic Interview me Astrit Gashin.
