Profesori amerikan, Edward P. Joseph, në një intervistë për mediumin serb “Radar”, ka thënë se Qeveria e Kosovës duhet “t’i përmbushë plotësisht obligimet kushtetuese ndaj komunitetit serb”, në mënyrë që sipas tij, ata të gëzojnë të drejta të barabarta dhe të kenë perspektivë në Kosovë.
Duke folur për çështjen e Asociacionit të komunave me shumicë serbe, Joseph ka theksuar se Kosova duhet të marrë përgjegjësi për këtë proces, ndërsa ka vlerësuar se është i mundur edhe kthimi i serbëve që janë larguar nga Kosova.

